De kippen van boer Hendrik-Jan
waren hielemaol van 't rabat:
de boer had neie kippen kocht
en die kwamen oet de stad!
"Muj’ heuren wat 'n stadse praot
en muj' ze daor zien lopen...!
Die stadse kippen, vort er met,
in 't darp kuj wal beteren kopen!
"Tok tok tok", zee 'n stadse kip,
"ij mut wéten wat aj zegt:
de boer hef oes zölf oetzöcht heur,
ik blief hier en da's mien recht!"
"Stadse praot, 'n aandre kleur,
de eier wit, of poars met stippen...
Dat gef jao niks, wat maokt 't oet:
wij bint toch almaol... kippen."
Toen kwam de boer met 'n bak vol voor:
"Waor bint die kippen van mij?"
En stads of darps, d'r was gien verschil:
zie waren d'r as de kippen bij!
schriefster: Hermien Boesjes