Veurzichtig geft Arianne bloumkes wotter.
"Nait te veul," haar moeke zegd, "aans verzoepen ze." Inains zegt ze pa zien toeter staon. Pa zit op meziek. Vanaovend mouten ze speulen. 't Is feest in 't dörp. Daarom het pa zien toeter goud schoonmaokt. Dei ligt nou te dreugen in de zunne. Wat zel dei toeter 't waarm hebben. Arianne holdt gaiter boven de toeter. Veurzichtig gut ze 'n beetje wotter in zien haals. Nou zel e wel nait zo waarm meer wezen. 's Aovends gaait Arianne mit moeke naar 't maarktplaain. Daar speult meziek. Pa is der ook bie. Ze huift nait te zuiken waar pa zit. Boven zien toeter zweven aalmaol bobbeltjes en ale minsen lachen.