Zit ik net lekker te lezen
veur de kachel, met 'n mooi boek
Röp mien moe: "Jongs, wat stiet er een ofwas!
Toe, pak even de schötteldoek!
"Boeten speulen met mien vriendties,
wegkroepertie, knikkern, wat hebt wij een pret.
"Joehoe, binnenkommen, wij gaot eten,
as ìj nou vast alles op taofel zet!"
's Aovends nao 't eten, o, da's merakel:
mien mooiste programma op de t.v.!
Röp mien vao: "Help mij nog even in de tuun.
Dommies is 't donker!" En ik denk: O nee!!!
'k Mag ok geern op de computer speulen:
spannende spellegies, hartstikke goed!
"Wo'j daolijk even naor de bakker fietsen?
Wij gaot zo metien eten en 'k heb agil gien stoet!"
Waorum nou aaltied ak net zit te lezen,
t.v. kiek of speul... o 'k wil bèst wat doen!!
Maor as 't zo deurgiet, 'k zal je vertellen,
dan mag 'k met mien twintigste wal met pensioen!!!
Schriefster: Hermien Boesjes