De droppieskwiebus hef een dikke kop,
een grote bek en vieze brune tanden.
Als hij gien vreten kreg dan trilt zien handen,
want hij wil drop!
De droppieskwiebus vret zuch rond an drop.
Als hij niet vreten kan, doe dan denken um je kleren:
dropwaoter reert hij dan, en daor giet hij met smeren.
Pas dus maor op!
Die kwiebus die lust alle soorten drop.
Zölfs over kattiesdrop zuj hum niet heuren klaogen.
Toch is der ien drop die hij niet goed kan verdraogen:
een regendrop.
Tegen de regen kan gien kwiebus op!
Het beste wat hij dan nog döt is zielig zeuren
En nog ien droppie: ´n Engelse met zeuven kleuren
Dan löst e op……..
Schriever: Harm G. Sijnstra