Tattoo - Eigen miening

REFREIN

Wij hebt oes eigen miening,

Wij wiet wel wat wij wilt,

En as ie vraogt hoe of wij denkt,

Dan holdt wij oes niet stil,

Maor ja, wij bint nog niet volwassen,

Wij wiet dus nargens van,

Moet op oes woorden passen,

Denk niet dat alles maor kan.

Wij bint oes hiele leven,

Tegen draogen van echt bont,

Vrouwlu met dure jassen,

Schupt wij het liefst in de kont,

Of varven met een grote kwast,

Heur hiele jasse vol,

En as ze dan een keel opzet,

Dan hebt wij dikke lol!

REFREIN.

De wereld giet ten onder,

An gif en aandre troep,

Chemisch afval in de zee,

Drollen op de stoep,

Die stopt wij dan in een kraante,

Braandend veur zien deur,

As buurman dan giet trappen,

Kriegt wij een bult gezeur.

REFREIN.

Die saaie flatgebouwen,

Wel hef zukswat bedacht,

Met frisse kleurties maokt wij,

Van muurties zo een pracht,

Met spuitvarf uut een busse,

Hebt wij zo dat gries wegwarkt,

Maor dan mut wij weer poetsen,

De plietsie hef het markt.

REFREIN.

Tekst: Yvette de Haas

Muziek: Harry de Geeter